#

اسهل طرق لعمل صوص التغميس Dipping sauce

ااااسهل طرق لعمل صوص التغميس Dipping sauce

اسهل طرق لعمل صوص التغميس Dipping sauceاسهل طرق لعمل صوص التغميس Dipping sauce, النهاردة هنشوف مع بعض طرق لعمل صوص التغميس Dipping sauce ، الوصفات سهلة ولذيذة وتقدري تاكليهم مع كل حاجة ، أو شرايح لحمة, قطع فراخ, ناجتس, خضار ، تقدري تاكليهم مع اي سناكس تحبيه ، تعالوا نتعرف على المكونات والطريقة بالتفصيل.

طرق لعمل صوص التغميس Dipping sauce:

1- صوص الفجل بالمايونيز:

– ¼ كوباية مايونيز.

– 2 معلقة كبيرة فجل مفروم.

– ¼ معلقة صغيرة بابريكا مدخنة او عادية لو مش متوفرة المدخنة.

– ملح وفلفل حسب الرغبة.

صوص التغميس Dipping sauce

2- صوص المسطردة بالعسل:

– ¼ كوباية مسطردة.

– 2 معلقة كبيرة مايونيز.

– 2 معلقة كبيرة عسل.

– ¼ معلقة صغيرة ملح.

3- صوص الطحينة:

– ¼ كوباية طحينة.

– 2 معلقة كبيرة عصير ليمون.

– 1 فص ثوم مبشور.

– ½ معلقة صغيرة ملح.

– ¼ معلقة صغيرة كمون مطحون.

– 2 معلقة كبيرة او اكتر حسب ظبط القوام مية متلجة.

 

4- صوص الكاتشب الحار:

– ¼ كوباية كاتشب حار.

– ½ معلقة كبيرة من صوص ورسيستيرشاير (متوفر في الهايبر ماركت ولو مش موجود تقدري تعمليه في البيت بسهولة اخلطي ½ كوباية من خل التفاح, 2 معلقة كبيرة مية, 2 معلقة كبيرة صويا صوص, 1 معلقة كبيرة سكر بني, 1 معلقة صغيرة مسطردة بودر, ¼ معلقة صغيرة بصل بودر, ¼ معلقة صغيرة ثوم بودر, ¼ معلقة صغيرة كمون بودر, فلفل اسود حسب الرغبة ، كما اخلطي المكونات كلها مع بعض وحطيها على النار تغلي لحد ما تلاقي ريحته ظهرت ، حوالي 45 ثانية ، بعدها ارفعيه من على النار ، وسيبيه يبرد وكده يبقى الصوص جاهز).

– ½ معلقة صغيرة من صوص السراتشا والكمية حسب الرغبة لو عايزة الصوص حار اكتر او اقل (والصوص متوفر في الهايبر ماركت ولو مش موجود تقدري تعمليه في البيت ، عبارة عن حوالي 700 جرام فلفل احمر حار متقطع نصين, 3 فصوص ثوم, 2 معلقة كبيرة ثوم بودر اختياري, 2 معلقة كبيرة سكر ابيض, 1 معلقة كبيرة سكر بني, 1 معلقة كبيرة ملح وممكن تزودي حسب الحاجة, ½ كوباية خل ابيض ممكن تزودي حسب الحاجة, مية حسب الحاجة ، للتحضير اخلطي الفلفل الاحمر وفصوص

الثوم والثوم البودر والملح والسكر الابيض والبني واضربي المكونات في الخلاط لحد ما يبقى معجون خشن ، كما انقليه لبرطمان ازاز واقفليه وخزنيه في درجة حرارة الغرفة لمدة 7 ايام مع التقليب يوميا ، بعد اسبوع صبي مزيج الفلفل في حلة على نار متوسطة وضيفي له الخل

وسيبيه يغلي وبعدين قللي النار وسيبيه على نار هادية لمدة 5 دقايق ، أو ارفعيه بعدها من على النار وسيبيه يبرد واهرسيه في الخلاط لمدة من 2 – 3 دقايق لحد

ما يتكون عجينة ناعمة ومتجانسة ولو لقيتي المزيج

سميك اوي ممكن تضيفي له مية تخففيه أو لحد ما توصلي للقوام المناسب ،

ثم صفي الخليط على مصفى واضغطي عليه بالمعلقة عشان تتخلصي من اي قطع خشنة ،

ثم دوقيه واظبطي الملح بتاعه وطعمة لو عايز اضافة خل تاني,

مية, سكر ثوم بودر حسب ذوقك ، كده يبقى الصوص

جاهز انقليه في برطمان ازاز مكحم الغلق واحفظيه في التلاجة أو لمدة ممكن توصل ل 6 شهور).

5- صوص الثوم:

– ½ كوباية مايونيز.

– 1 فص ثوم صغير مبشور.

– ½ معلقة كبيرة عصير ليمون.

 

6- صوص افوكادو رانش:

– ¾ كوباية كريمة طبخ.

– ¼ كوباية مايونيز.

– 1 ثمرة افوكادو.

– 1 معلقة كبيرة توابل رانش (عبارة عن 1/2 كوباية لبن بودرة,

ثم بقدونس مجفف, شبت مجفف, ثوم بودر, بصل بودر,

ملح, فلفل اخلطيهم مع بعض وكده تبقى توابل الرانش جاهزة).

– 1 معلقة صغيرة عصير ليمون.

– ثم مية حسب الحاجة.

 

7- يم يم صوص:

– 1 كوباية مايونيز.

– 1 معلقة كبيرة صلصة طماطم او كاتشب.

– 3 معالق صغيرة مية.

– 2 معلقة صغيرة سكر ابيض.

– 2 معلقة كبيرة زبدة سايحة.

– ½ معلقة كبيرة بابريكا.

– ½ معلقة كبيرة ثوم بودر.

– واختياري ممكن تضيفي اي نوع صوص أو حار, شطة, صوص سراتشا لو عايزة الصوص حراق.

 

8- صوص المارينارا:

– 227 جرام صلصة طماطم.

– 1 معلقة كبيرة زيت زيتون.

– 1 فص ثوم (او 1/8 معلقة صغيرة ثوم بودر).

– 3 – 4 اوراق ريحان (او 1 معلقة صغيرة ريحان مجفف ولكن اتأكدي انه طازة).

– ثم اختياري للطعم الحار ممكن تضيفي رشة شطة.

طريقة عمل كل الصوصات هتخلطي المكونات كلها مع بعض ، كما لحد ما يبقى عندك مزيج ناعم ، وبعدها حطيه في التلاجة لمدة ساعة على الاقل قبل التقديم ، وتقدري تحفظيهم في برطمانات محكمة الغلق في التلاجة لمدة توصل لاسبوع.

التصنيفات

  • #! Без рубрики
  • #Appetizers
  • #Beverages
  • #Dating
  • #Desserts
  • #Main Dishes
  • #Recipes
  • #Salads
  • #Soups
  • #Uncategorized
  • #الأطباق الرئيسية
  • #الأطباق المميزة
  • #الحلويات
  • #السلطات
  • #الشوربات
  • #العصائر والمشروبات
  • #المثلجات
  • #المعجنات والمقبلات
  • #توابل دايت
  • #صحي وسريع
  • #فيديو توابل
  • #مشويات

التصنيفات

  • #
  • #
  • #
  • #

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *