شرائح الباذنجان بالجبنة الرومى

شرائح الباذنجان بالجبنة الرومى,  الباذنجان الرومى من أهم الخضروات و افيدها ، و ده لأنه مفيد جدا للصحة وبيحتوى على نسبة عالية جدا من المواد المكافحة للأمراض السرطانية ، و كمان بيساهم فى التخلص من السمنة و بيساعد فى حالات الرجيم وخفض الوزن علشان هو من اكتر الخضروات اللى سعراتها الحرارية قليلة جدا ، و كمان بيساعد على شد منطقة المعدة و بيساهم فى تخفيف الصداع . و متواجد فى الاسواق طول السنة و تقدرى تلاقيه بسهولة و بسعر مناسب . لكن المشكلة اننا دايما بنطبخة بالطرق التقليدية اما انه بيتعمل مسقعة او بيتقلى . كما هنا هنقولك على وصفة جديدة سهلة و لذيذة جدا تخليكى تستمتعى بالبذنجان الرومى و هى وصفة شرائح الباذنجان بالجبنة الرومى …

المقادير

• 4   معلقة كبيرة جبن رومي مبشور
• 2   معلقة كبيرة دقيق
• 2   كوب زيت قلي
• 2   معلقة كبيرة بقدونس طازج (مفروم)
• 1   معلقة صغيرة فلفل اسود مطحون
• 1   معلقة صغيرة أوراق ريحان
• 1  معلقة كبيرة صلصة طماطم
• 1  معلقة صغيرة ملح
• 1 كيلو باذنجان (اسود)
• 1  عدد بصلة (صغيرة)
• 1   كوب عصير طماطم

الخطوات

1. هنشيل رؤوس الباذنجان ويقطع بالطول لشرائح سميكة و توضع في مياه
2. هنرش شرائح الباذنجان بالملح ونسيبها لمدة ساعة تتصفى
3. ثم هننشف شرائح الباذنجان من المياة الزيادة ونغطيها بالدقيق.
4. اقلى شرائح الباذنجان  فى زيت غزير ساخن لحد ما تتحول للون الذهبى.
5. فى طاسة هنضيف القليل من الزيت وهنضيف البصل ونقلبه لحد ما يدبل
6. ثم هنقلب الصلصة مع عصير الطماطم كويس ونضيفهم للبصل.
7. هنضيف الريحان والفلفل والبقدونس على شرائح الباذنجان ونسيبه يتبل فيهم 5 دقائق وبعدين هنرص طبقة من شرائح الباذنجان فى صينية.
8. هنغطى طبقة الباذنجان بطبقة من الجبنة الرومى المبشورة ثم صلصة الطماطم ونكرر العملية لحد ما الكمية تنتهى على أن تكون أخر طبقة من الجبنة المبشورة.
9. ثم هندخل الصينية الفرن على درجة حرارة 180 لمدة 15 دقيقة لحد ما الوجه يحمر وبكده يبقى جاهز للتقديم..