طريقة عمل دوناتس البطاطس بالجبنة, لو زهقتوا من الطرق التقليدية للبطاطس, وعايزين تجددوا وتاكلوها بطريقة مختلفة, شوفوا معانا وصفتنا النهاردة وهي دوناتس البطاطس بالجبنة الموتزاريلا والجبنة الشيدر, الوصفة سهلة جدا ومكوناتها بسيطة ومش بتاخد وقت في التحضير.
من 4 – 5 ثمرات بطاطس متوسطين الحجم.
¼ كوباية جبنة موتزاريلا مبشورة.
ربع كوباية جبنة شيدر متقطعة مكعبات.
¼ كوباية قشطة تقيلة “Heavy cream” او كريمة الطبخ.
2 معلقة كبيرة دقيق.
ملح وفلفل.
دقيق.
و 3 بيضات مضروبين.
بقسماط مطحون.
زيت للقلي.
ثم ناخد نص كمية البطاطس نسلقها ونسيبها تبرد وبعدين نهرسها, والنص التاني نبشره بالمبشرة ني زي ما هو.
في طبق كبير اخلطي البطاطس المبشورة مع البطاطس المسلوقة والمهروسة, والدقيق, والملح, والفلفل, ونوعين الجبنة والكريمة, وقلبي المكونات كلها مع بعض لحد ما يختلطوا كويس.
ثم هاتي قوالب السيليكون بتاعة الدوناتسا, ووزعي فيها الخليط واضغطي
عليه بالمعلقة وساوية كويس, وحطيه في التلاجة لحد ما يتماسك ويبقى جامد.
ثم بعد ما الخليط يبقى متماسك كويس, طلعيه من القوالب للتحمير.
ثم حطي شوية دقيق في طبق, وفي طبق تاني البيض, وطبق تالت
حطي فيه البقسماط المطحون, اغمسي كل واحدة دوناتس الاول في الدقيق وبعدين البيض وبعدين البقسماط.
وفي طاسه فيها زيت غزير سخن, حطي وحدات الدوناتسا, وقلبيها على الناحيتين كما لحد ما تاخد اللون الدهبي, طلعيها على ورق مطبخ, وقدميها مع الكاتشب او اي صوص تفضليه
