طريقة عمل شوربة الحريرة المغربية

 طريقة عمل شوربة الحريرة المغربية ,شوربة الحريرة من

اشهر الاكلات في المطبخ المغربي ، وتعتبر من الاطباق

الاساسية في رمضان على السفرة المغربية ، والنهاردة

في موضوعنا هنتعرف على طريقة عمل شوربة الحريرة بالخطوات

طريقة عمل شوربة الحريرة:

المقادير:

– 300 جرام لحمة بقري من غير عضم ، متقطعة قطع صغيرة.

– 1 بصلة متوسطة الحجم ، متقطعة قطع صغيرة او مبشورة.

– 5 حبات طماطم ، متقشرة ومبشورة او عصير كما (اعملي علامة اكس على الطماطم من فوق واغليها في ماية سخنة لمدة 5 دقايق وبعدين قشريها واعصريها).

– 2 معلقة كبيرة بقدونس مفروم ناعم.

– 2 معلقة كبيرة كزبرة خضرا مفرومة ناعم.

– 3 معالق كبيرة كرفس مفروم ناعم.

– 1 كوباية حمص (منقوع من قبلها ليلة كاملة او استخدمي حمص مسلوق).

– 1/3 كوباية عدس.

– 3 معالق كبيرة شعرية.

– 4 معالق كبيرة دقيق مدوبين في ½ كوباية ماية.

– ملح حسب الذوق.

ثم فلفل اسود.

– 1 معلقة صغيرة بودرة جنزبيل.

– 2 معلقة صغيرة كركم.

– ½ معلقة صغيرة شطة.

– رشة زعفران.

ثم  عود قرفة خشب.

– 2 معلقة كبيرة سمنة او زبدة او زيت.

– 6 كوبايات ماية سخنة (كمية الماية لحد ما تغطي المكونات).

طريقة عمل شوربة الحريرة

طريقة التحضير:

1- في حلة على نار متوسطة ضيفي السمنة او الزيت ، ضيفي لها اللحمة وشوحيها في السمنة دقيقتين.

2- ثم ضيفي لها البصل ، وقلبيهم مع بعض.

3- ضيفي الملح, الكرفس وقلبي المكونات.

4- ضيفي الكركم, الفلفل الاسود, الجنزبيل, الشطة, قلبي البهارات مع باقي المكونات كويس كما لحد ما تمتزج مع بعض ، وشوحيهم لمدة 2 – 3 دقايق ممكن تضيفي معلقتين كبار ماية اثتاء تقليب المكونات.

5- ثم ضيفي عود القرفة والزعفران وقلبي المكونات.

6- ضيفي الطماطم, الحمص, العدس ، وسيبيها على نار هادية لمدة 20 دقيقة ، وقلبيها من وقت للتاني.

7- ثم ضيفي الكزبرة الخضرا, الشعرية ، وقلبي المكونات ، وضيفي لهم الماية ، وقلبيهم مع بعض.

8- سيبيها تطبخ على نار هادية لمدة 20 دقيقة كمان ، مع التقليب من وقت للتاني.

9- ضيفي الدقيق المدوب في الماية للخليط ، وقلبيهم مع بعض.

10- ثم سيبيها تطبخ على نار هادية لمدة 3 دقايق.

11- ثم ضيفي البقدونس المفروم ، وقلبيهم مع بعض.

12- وكده الحريرة جاهزة للتقديم.