طريقة عمل كيكة الكريمة والتوت, النهاردة جايبين لكل بنات حوا طريقة كيك سهلة ولذيذة جدا, وتنفع جدا لعيد ميلاد او في الايام العادية لو عايزة تاكلي حاجة حلوة لذيذة, تعالوا نشوف مع بعض مكوناتها وطريقتها بالتفصيل.
– 1 كوب دقيق منخول.
– 1 ½ كوب سكر.
– 9 بياض بيض.
– 1 معلقة صغيرة كريمة الترتار “ولو مش متوفر ممكن تستغني عنه”.
– ½ معلقة صغيرة مستخلص الفانيليا.
– ذرة ملح.
– 1 كوب توت طازة او فراولة.
– 1 كوب كريم شانتيه.
– ¼ كوباية مربى توت.
– 230 جرام شوكولاتة بيضا.
– ½ كوب Heavy cream قشطة تقيلة, سخنة لكن مش مغلية.
1-ثم سخني الفرن على 350 درجة, اخلطي الدقيق مع ½ كوباية سكر وانخليهم مع بعض.
2- ثم في طبق كبير, ضيفي بياض البياض, وكريم التارتار, ومستخلص الفانيليا, والملح, وباستخدام المضرب اليدوي اضربي كل المكونات على سرعة متوسطة لحد ما بياض البيض حجمة يزيد ويبقى ناعم, ضيفي له كوباية سكر وانتي بتضربي, وافضلي اضربيهم لحد ما الخليط يبقى زي المارينج, ضيفي خليط الدقيق والسكر ببطء, وبمجرد ما الخليط يمتزج كويس مع بعض, صبيه في قالب كيك مش مدهون.
3-ثم اخبزيها على الرف اللي تحت في الفرن لمدة من 35 – 40 دقيقة او لحد ما يبقى لونها بني دهبي واستوت كويس, طلعيها من الفرن وسيبيها لحد ما تبرد, بعدها طلعي الكيكة من القالب على طبق.
4- ثم دلوقتي هنعمل الحشو, في طبق اخلطي التوتا مع مربى التوت والكريم شانتيه, قلبيهم مع بعض كويس, في طبق تاني صبي القشطة السخنة على الشوكولاتة البيضا, وقلبيهم لحد ما الشوكولاتة تدوب خالص.
5- دلوقتي هنحشي الكيك بالحشو, بسكينة تكون حادة فرغي الكيك من جوه, وامليها بخليط التوتا والكريم شانتيه, وبعدين صبي عليها خليط الشوكولاتة البيضا, سيبي الوش بتاعها يتجمد كويس قبل التقديم, بعد ما الوش يتجمد زينيها من فوق بتوت وفراولة طازة وقدميها.
