#

طريقة عمل وصفة ارز القرنبيط المتبل

طريقة عمل وصفة ارز القرنبيط المتبل

طريقة عمل وصفة ارز القرنبيط المتبلطريقة عمل وصفة ارز القرنبيط المتبل, هو بديل صحي للكربوهيدرات اللي موجودة في الارز العادي ، وهي وصفة مكسيكية ليها شعبية كبيرة جدا ، وممكن تتعمل بانواع كتير من الخضروات كما زي القرنبيط, البروكلي, الكرنب, الجزر والذرة الحلوة حسب اختيارك ، تعالوا نشوف مع بعض في السطور الجاية الطريقة بالخطوات.

وصفة ارز القرنبيط المتبل:

المكونات:

– 3 معالق كبيرة زيت نباتي.

– 6 كوبايات من ارز القرنبيط ، حوالي راس قرنبيط كبيرة الزهرات بتاعته كما متقسمة ومتقطعة ومفرومة في محضر الطعام.

– 1 بصلة صغيرة مفرومة ناعم.

– 4 فصوص ثوم مفرومين.

– 2 حبة فلفل هالبينو مفرومين.

– 1 معلقة صغيرة ملح.

– 2 حبة طماطم كبيرة مفرومة ناعم.

– ¼ كوباية شوربة فراخ او خضار او ماية.

– 1 معلقة صغيرة كمون مطحون.

– ¼ معلقة صغيرة شطة او بابريكا (لو مش حابه تبقى حراقة)

– 2 معلقة كبيرة صلصة طماطم.

– ½ كوباية كزبرة خضرا مفرومة ناعم.

– 2 معلقة كبيرة عصير ليمون ، حوالي ½ ليمونة ، وشرايح ليمون للتزيين.

طريقة التحضير:

1- في طاسة كبيرة غير قابلة للالتصاق سخني 2 معلقة من الزيت على نار متوسطة لعالية ، ضيفي القرنبيط المفروم ووزعيه بالمعلقة في طبقة متساوية ، شوحيه في الزيت لمدة 2 – 3 دقايق او لحد ما لونه يتحول للون البني الفاتح من جنب واحد من غير ما تقلبيه (واتأكدي انه مايتحرقش منك) ، كما قلبي الخليط ووزعيه تاني في الطاسة في طبقة متساوية واطبخيه لمدة 2 – 3 دقايق كمان او لحد ما لونه يتحول للبني شوية من الجنب التاني ، ارفعي الطاسة من على النار وانقلي القرنبيط في طبق على جنب.

2- ثم في نفس الطاسة ضيفي معلقة كبيرة زيت ، وضيفي البصل, الثوم, الهالبينو, الملح ، قلبيهم مع بعض لحد ما البصل يبقى لونه شفاف ويطرى ، لمدة دقيقتين تقريبا ، ضيفي الطماطم, شوربة الفراخ, الكمون, الشطة او البابريكا, قلبيهم مع بعض كويس لحد ما الطماطم تستوى وتطرى ، لمدة 3 دقايق كمان تقريبا ، كما ضيفي صلصة الطماطم ، ورجعي القرنبيط تاني مع الخليط في الطاسة ، وقلبي كل المكونات مع بعض كويس ، سيبيه على النار لمدة 2 – 3 دقايق كمان ، او لحد ما القرنبيط يستوي ويطرى ، ارفعيه من على النار وضيفي له الكزبرة وعصير الليمون وقلبيهم مع بعض ، كما وتبليه بالملح حسب الرغبة.

 

3- ثم قدميه مع شرايح الليمون ورشة كزبرة مفرومة على الوش.

التصنيفات

  • #! Без рубрики
  • #Appetizers
  • #Beverages
  • #Dating
  • #Desserts
  • #Main Dishes
  • #Recipes
  • #Salads
  • #Soups
  • #Uncategorized
  • #الأطباق الرئيسية
  • #الأطباق المميزة
  • #الحلويات
  • #السلطات
  • #الشوربات
  • #العصائر والمشروبات
  • #المثلجات
  • #المعجنات والمقبلات
  • #توابل دايت
  • #صحي وسريع
  • #فيديو توابل
  • #مشويات

التصنيفات

  • #
  • #
  • #
  • #

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *