وصفة الفراخ بالكاجو السهلة واللذيذة
وصفة الفراخ بالكاجو السهلة واللذيذة, وصفة الفراخ بالكاجو بتعتبر من أسهل وصفات الأكلات الصينية اللى ممكن تعملها بنفسك بسهولة في مطبخك ومن غير تكلفة عالية أو صعوبة، لكن كمان وصفة لذيذة جدا وطريقة مبتكرة لطبخ الفراخ بعيد عن الطرق التقليدية، اعرفي معانا في المقال ده بالخطوات طريقة عمل وصفة الفراخ بالكاجو السهلة واللذيذة
15 دقيقة
الكمية تكفي 8 أفراد.
نصف كوباية من صلصة الصويا
1 ملعقة طعام خل أرز” أو خل عادي”
1 ملعقة كبيرة من السكر البني
نصف ملعقة صغيرة من زيت السمسم
3 ملاعق طعام زيت
6 أوراك فراخ كاملة يدون عضم أو جلد متقطعة مكعبات صغيرة
رشة ملح
1 ملعقة كبيرة من الثوم المفروم
2 ملعقة كبيرة من الزنجبيل المفروم
1 حبة فلف أخضر مفرومة
ربع كوب شوربة فراخ
2 ملعقة طعام نشا
كرة جوزة الطيب
1 كوباية من الكاجو غير المملح
2 حبة بصل أخضر كاملة ، متقطعة شرائح رقيقة
أرز أبيض مطبوخ أو نودلز.
1- أول خطو هي تحضير الصوص، امزجي صوص الصويا مع خل الأرز و السكر البني وزيت السمسم عشان تعملي صوص السويت والساور.
2- سخني طاسة على نار عالية و ضيفي معلقتين زيت نباتي و حطى قطع الفراخ و سيبيهم من غير ما تقلبي لحوالي دقيقتين، بعد كده وزعيهم على مساحة الطاسة.
3- لما يبدأ يتحول لون الفرخ للذهبي قلبيها مرة تانية وسيبيها لحد ما يتحول لونها للبني الفاتح.
4- بعد كده ضيفي التوم و الجنزبيل على الفراخ.
5- في الخطوة دي من وصفة الفراخ بالكاجو هتضيفي الفلفل المتقطع سواء الاخضر او ميكس من الفلفل الالوان زي ما تحبي.
6- قلبي كويس وسيبي الفراخ والفلفل على النار يستووا لحوالي من دقيقتين لـ 3 دقايق.
7- والطاسة لسه سخنة، ضيفي شوية من المرقة او الشوربة وقلبي كويس لحد ما تحسي ان الفرخ بقت طرية أكتر، بعد كده وطي النار وضيفي الصوص اللي حضرناه في الأول .
8- امزجي النشا مع نص كباية مياة وضيفيها هي كمان و قلبي كل ده من دقيقة لدقيقتين لحد ما كل السوايل اللي في الطاسة تتقل شوية.
9- ضيفي الكاجو و جوزة الطيب ولازم يكون الكاجو مش مملح، وقلبي كل المكونات مع بعضها تاني مع سنة مياة صغيرة لو حسيتي ان الصوص بقى تقيل زيادة عن اللزوم.
10- ضيفي رشة صغيرة من البصل الأخضر المتقطع (اختياري) ، وبعد ما كل املكونات تمتزج مع بعض كويس ضيفي من الفراخ بالكاجو على طبق من الأرز الأبيض أو النودلز حسب اختيارك، وبالهنا والشفا.
كاتبة بموسوعة توابل
