فراخ باربكيو فى الفرن, وقفة المطبخ فى الصيام اكيد بتكون مش سهلة عشان كده بنات حواء بتقدملك وصفة فراخ سهلة جدا و مش هتحتاج وقت او مجهود وهى وصفة فراخ الباربكيو و كلنا عارفين ان الفراخ بتكون صنف اساسى على سفرة الفطار المميز فى الوصفة دى انها بتديكى نفس نتيجة الشواية اللى ممكن متكنش موجودة عندك فى البيت
1 – هنجيب صنية و نحط فيها شوية زيت زيتون و نوزعهم بالفرشة
2- ثم هنحضر 12 قطعة فراخ صدور او اوراك و هنشيل الجلد الزيادة و نحطها فى الصينية
3 – هنستخدم منديل المطبخ عشان نتخلص من اى سوائل على سطح الفراخ
4 – ثم هنسيب الفراخ فى الفرن 25 دقيقة على درجة حرارة 400
5 – هنبدأ دلوقتى نجهز صوص الباربكيو . هنجيب حلة
صغيرة و نحط فيها 3 اكواب من صوص الباربكيو اللى بيتباع فى السوبرماركت
6- هنجيب نصف كوب مربة مشمش و نحطها على الصوص فى الحلة .
المشمش بيحلى الطعم جدا و هنجيب فص ُثوم
و نبشره على الخليط ده و هنسبهم على النار من 5 – 10 دقائق
7 – هنطلع الفراخ من الفرن و بعد لما الصوص يهدأ شوية هنبدأ نوزعه على الفراخ بالفرشة و مننساش نغطى كل الفراخ و الجوانب
8-ثم بعد تغطية الفراخ هنحطها تانى فى الفرن 7 دقائق
و ننتظر و بعدين نطلعها تانى و نحط طبقة صوص ثانية عليها و ندخلها الفرن تانى 7 دقائق
9 – ثم هنطلع الفراخ و نزود طبقة ثالثة عليها من الصوص و ندخلها الفرن 5 دقائق على درجة حرارة اعلى 425
نطلع الفراخ من الفرن و بالهنا و الشفاء !