ازاى تعملى وصفة شرائح الفراخ بالجبنة الشيدر Cheddar Ranch Chicken Strips, زهقتى من الطرق التقليدية لتحضير صدور الفراخ وعايزة تعمليها بطريقة جديدة مبتكرة ، وفى نفس الوقت لذيذة وسريعة وما تتعبكيش، فى المقال ده بنات حوا هتقولك على طريقة وصفة الـ Cheddar Ranch Chicken Strips السريعة و السهلة .. يلا خلينا نبدأ على طول ..
الوصفة دى تكفى لخمسة أفراد .
قطعتين صدور فراخ حجمهم كبير.
كوبايتين ونص من الـ buttermilk او اللبن الرايب.
باكيت من الـ ranch dressing mix ولو مش متوفر ممكن تستبدليه بأى dressing او sauce تفضليه.
شرائح من الجبنة الشيدر.
3 كوبيات من المقرمشات بطعم الجبنة او الـ cheese crackers .
سخنى الفرن على درجة حرارة 225.
قطعى صدور الفراخ لشرائح متساوية .
حطى شرائح صدور الفراخ فى بولة او طبق عميق وحطى عليها اللبن الرايب والـ ranch packet او الصوص اللى قررتى تستخدميه وقلبيهم كويس اوى لحد ما الفراخ تتغطى بالكامل بمزيج اللبن الرايب والصوص وماهم جبنة شيدر تكونى سيحتيها بسيط على النار.
ثم غطى الطبق ببلاستيك الطعام وحطيه فى التلاجة على الاقل ساعة.
اطحنى مقرمشات الجبنة فى الكبة او دقيهم لحد ما يطحنوا كويس اوى ويبقوا ناعمين . كما وبعد كده حطيهم فى كيس ممكن يتقفل.
حطى قطعة قطعة من صدور الفراخ فى الكيس واقفليه كويس وابدأى رجيه لحد أو ما قطعة الفراخ تتغطى بالكامل بالمقرمشات المطحونة، وافضلى كررى الخطوة دى لحد ما تغطى كل قطع الفراخ.
ثم بعد ما تخلصى تغطية كل القطع، رصى شرايح الفراخ فى صينية ودخليهم الفرن لحوالى 20 الى 25 دقيقة .
ثم بعد تمام النضج قدمى شرايح صدور الفراخ مع بطاطس محمرة وكاتشب او اى صوص تفضليه وبالهنا والشفا 🙂
نبذة عن الكاتب
